1.1	In principio erat uerbum et uerbum erat aput deum et deus erat uerbum
1.2	hoc erat in principio aput deum
1.3	omnia per ipsum facta sunt et sine ipso factum est nihil quod factum est
1.4	in ipso uita est et uita erat lux hominum
1.5	et lux in tenebris lucet et tenebrae eam non comprehenderunt
1.6	Fuit homo missus a deo cui nomen erat iohannes
1.7	hic uenit in testimonium ut testimonium perhiberet de lumine ut omnes crederent per illum
1.8	non erat ille lux sed ut testimonium perhiberet de lumine
1.9	erat lux uera quae inluminat omnem hominem uenientem in hunc mundum
1.10	in hoc mundo erat et mundus per ipsum factus est et mundus eum non cognouit
1.11	in sua propria uenit et sui eum non receperunt
1.12	quodquod autem receperunt eum dedit eis potestatem filios dei fieri his qui credunt in nomine eius
1.13	qui non ex sanguinibus neque ex uoluntate carnis neque ex uoluntate uiri sed ex deo nati sunt
1.14	et uerbum caro factum est et habitauit in nobis et uidimus gloriam eius gloriam quasi unigeniti a patre plenum gratia et ueritate
1.15	Iohannes testimonium perhibet de ipso et clamat dicens hic est de quo dixi qui post me uenit ante me factus est quia prior me erat
1.16	quoniam de plenitudine eius nos omnes accepimus gratiam pro gratia
1.17	quia lex per moysen data est gratia autem et ueritas per iesum christum facta est
1.18	deum nemo uidit umquam nisi unigeNitus filius qui EST in sinu patris ipse enarrauit
1.19	Et hoc est testimonium iohannis quando miserunt iudei ab hierosolymis sacerdotes et leuitas ad eum ut interrogarent eum tu quis es
1.20	et confessus est et non negauit confessus est quia ego non sum christus
1.21	Et interrogauerunt eum iterum quid ergo tu helias es et dixit non sum quid ergo propheta es tu et respondit non
1.22	Et dixerunt ei dic ergo nobis quis es ut responsum demus iis qui miserunt nos quid dicis de te ipso
1.23	ait ego uox clamantis in deserto dirigite uiam domini sicut dixit esaias profeta
1.24	et qui missi fuerant erant ex pharisaeis
1.25	Interrogauerunt eum dicentes quid ergo baptizas si tu non es christus neque helias neque propheta
1.26	Respondit eis iohannes dicens ego quidem uos baptizo in aqua medius autem uestrum stat quem uos nescitis
1.27	ipse est qui post me uenit ante me factus est cuius ego non sum dignus soluere corrigiam calciamenti eius
1.28	Haec in bethania facta sunt trans iordanen ubi erat iohannes baptizans
1.29	Altera die uidet iohannes iesum uenientem ad se et ait ecce agnus dei ecce qui tollit peccatum mundi
1.30	Hic est de quo dixi post me uenit uir qui ante me factus est quia prior me erat
1.31	et ego nesciebam eum Sed ut manifestaretur israhel propterea ueni ego in aqua baptizans
1.32	et testimonium perhibuit iohannes dicens quia uidi spiritum descendentem quasi columbam de caelo et mansit super eum
1.33	et ego ignorabam eum sed qui misit me baptizare in aqua ipse mihi dixit super quem uideris spiritum descendentem et manentem in eum ipse est qui baptizat in spiritu sancto
1.34	et ego uidi et testimonium perhibui quia hic est filius dei
1.35	Altera die iterum stabat iohannes et ex discipulis eius duo
1.36	et intuens iesum ambulantem dixit ecce agnus dei
1.37	Et audierunt eum duo discipuli loquentem et secuti sunt iesum
1.38	Conuersus autem iesus et uidens eos sequentes se dixit eis quid quaeritis Qui dixerunt ei rabbi quod interpraetatur magister ubi manes
1.39	dicit eis uenite et uidete uenerunt et uiderunt ubi maNeret et apud eum manserunt die illo hora autem erat quasi decima
1.40	erat autem andreas frater simonis petri unus ex duobus qui audierant ab iohanne et secuti fuerant eum
1.41	inuenit hic primum fratrem suum simonem et dicit ei inuenimus messiam quod est interpraetatum christus
1.42	et adduxit eum ad iesum Intuitus autem eum iesus dixit tu es simon filius iohannis tu uocaueris chephas quod interpraetatur petrus
1.43	In crastinum autem uoluit exire in galileam et inuenit philippum et dicit ei iesus sequere me
1.44	erat autem filippus a bedsaida de ciuitate andreae et petri
1.45	inuenit philippus natanael et dicit illi quem scripsit moyses in lege et prophetae inuenimus iesum filium ioseph a nazareth
1.46	Et dixit ei nathanael a nazareth potest aliquid boni esse Dicit ei philippus ueni et uide
1.47	uidens autem iesus nathanael uenientem ad se dixit de eo ecce uere istrahelita in quo dolus non est
1.48	dicit ei nathanael unde me nosti Respondit iesus et dixit ei priusquam te philippus uocaret cum esses sub arbore fici uidi te
1.49	Respondit ei nathanael et ait rhabbi tu es filius dei tu es rex israhel
1.50	Respondit iesus et dixit ei quia dixi tibi uidi te sub arbore ficus propterea credis maiora horum uidebis
1.51	et dicit ei amen amen dico uobis uidebitis caelum apertum et angelos dei ascendentes et descendentes supra filium hominis
2.1	et die tertia nuptiae factae sunt in cana galileae et erat mater iesu ibi
2.2	uocatus autem Et iesus et discipuli eius ad nuptias
2.3	et deficiente uino dicit mater iesu ad eum uinum non habent
2.4	et dicit ei iesus quid mihi et tibi est mulier nondum uenit hora mea
2.5	dicit mater eius ministris quodcumque dixerit uobis facite
2.6	Erant autem ibi positae hydriae lapideae sex secundum purificationem iudaeorum capientes singulae metretas binas uel ternas
2.7	dicit eis iesus implete hydrias aqua et impleuerunt eas usque ad summum
2.8	Et dicit eis iesus haurite nunc et ferte architriclino et atullerunt
2.9	Ut autem gustauit architriclinus aquam uinum factum et non sciebat unde esset ministri autem sciebant qui haurierant aquam uocat sponsum architriclinus
2.10	et dicit ei omnis homo primum bonum uinum ponit Et cum inebriati fuerint id quod deterius est tu autem seruasti bonum uinum usque adhuc
2.11	Hoc fecit initium signorum iesus in cana galileae et manifestauit gloriam suam et crediderunt in eum discipuli eius
2.12	Post hoc descendit capharnaum ipse et mater eius et fratres eius et ibi manserunt non multos dies
2.13	et prope erat pascha iudaeorum et ascendit hierosolimam iesus
2.14	et inuenit in templo uendentes boues et oues et columbas et nummularios sedentes
2.15	et fecit quasi flagellum de restibus et omnes eiecit de templo oues quoque et boues et nummulariorum effudit aes et mensas subuertit
2.16	et his qui columbas uendebant dixit auferte ista hinc nolite facere domum patris mei domum negotiationis
2.17	Et rememorati sunt discipuli eius quia scriptum est zelus domus tuae comedit me
2.18	Responderunt ergo iudaei et dixerunt ei quod signum ostendis nobis quia haec facis
2.19	Respondit iesus et dixit eis soluite hoc templum et in tribus diebus excitabo illud
2.20	Dixerunt ergo iudaei quadraginta et sex annis aedificatum est templum hoc et tu in tribus diebus excitabis illud
2.21	ille autem dicebat de templo corporis sui
2.22	Cum ergo resurrexisset a mortuis rememorati sunt discipuli eius quia hoc dicebat et crediderunt scripturae et sermoni quem dixit iesus
2.23	Cum autem esset hierosolymis in die festo multi crediderunt in nomine eius uidentes signa quae faciebat
2.24	ipse autem iesus non credebat semet ipsum eis eo quod ipse nosset omnes
2.25	Et quia opus ei non erat ut aliquis testimonium perhiberet de homine ipse enim sciebat quid esset in homine
3.1	erat autem homo ex pharisaeis nicodemus nomine princeps iudaeorum
3.2	hic uenit ad iesum nocte et dixit ei rabbi scimus quia a deo uenisti magister nemo enim potest haec signa facere quae tu facis nisi fuerit deus cum illo
3.3	Respondit iesus et dixit ei Amen amen dico tibi nisi quis renatus fuerit denuo non potest uidere regnum dei
3.4	Dicit ad eum nicodemus quomodo potest homo nasci cum sit senex numquid potest homo in utero matris suae denuo introire et renasci
3.5	Respondit iesus Amen amen dico tibi nisi quis renatus fuerit ex aqua et spiritu non potest introire in regnum dei
3.6	quod natum est de carne caro est quoniam de Carne natum est et quod natum est de spiritu spiritus est
3.7	Ne mireris quia dixi tibi oportet uos nasci denuo
3.8	spiritus ubi uult spirat et uocem eius audis sed nescis unde ueniat et quo Uadat sic est omnis qui natus est ex aqua et spiritu
3.9	Respondit nicodemus et dixit ei quomodo possunt haec fieri
3.10	respondit iesus et dixit ei tu es magister israhel et haec ignoras
3.11	Amen amen dico tibi quia quod scimus loquimur et quod uidimus testificamur et testimonium nostrum non accipitis
3.12	si terrestria dixi uobis et non creditis quomodo si dixero uobis caelestia credetis
3.13	nemo ascendit in caelum nisi qui de caelo descendit filius hominis qui est in caelo
3.14	Et sicut moyses exaltauit serpentem in deserto ita exaltari oportet filium hominis
3.15	ut omnis qui credit in eum non pereat sed habeat uitam aeternam
3.16	Sic enim dilexit deus mundum ut filium suum unigenitum daret ut omnis qui credit in eum non pereat sed habeat uitam aeternam
3.17	non enim misit deus filium suum in hunc mundum ut iudicet mundum sed ut saluetur mundus per ipsum
3.18	qui credit in eum non iudicatur qui autem non credit iam iudicatus est quia non credidit in nomine unigeniti filii dei
3.19	hoc est autem iudicium quia lux uenit in hunc mundum et dilexerunt homines magis tenebras quam lucem erant enim eorum mala opera
3.20	Omnis enim qui male agit odit lucem et non uenit ad lucem ut non arguantur opera eius
3.21	Qui autem facit ueritatem uenit ad lucem ut manifestentur opera eius quia in deo sunt facta
3.22	post haec uenit iesus et discipuli eius in iudaeam terram et illic demorabatur cum eis et baptizabat
3.23	Erat autem iohannes baptizans in ænon iuxta salim quoniam aquæ multæ erant illic et ueniebant et baptizabantur
3.24	nondum enim missus fuerat in carcerem iohannes
3.25	Facta est ergo quaestio ex discipulis iohannis cum iudeis de purificatione
3.26	et uenerunt ad iohannem et dixerunt ei rabbi qui erat tecum trans iordanen cui tu testimonium perhibuisti ecce hic baptizat et omnes ueniunt ad eum
3.27	respondit iohannes et dixit non potest homo accipere quicquam nisi fuerit ei datum de caelo
3.28	Ipsi uos mihi testimonium perhibetis quod dixi quia non sum christus sed quia missus sum ante illum
3.29	qui habet sponsam sponsus est amicus autem sponsi qui stat et audit eum gaudio gaudet propter uocem sponsi hoc ergo gaudium meum impletum est
3.30	illum oportet crescere me autem minui
3.31	Qui desusum uenit super omnes est qui est de terra de terra est et de terra loquitur qui de caelo uenit
3.32	quod uidit et audiuit testatur et testimonium eius nemo accipit
3.33	qui enim accipit testimonium eius signauit quia deus uerax est
3.34	quem enim misit deus uerba dei loquitur non enim ad mensuram dat deus spiritum
3.35	pater diligit filium et omnia dedit in manu eius
3.36	qui credit in filium habet uitam aeternam qui autem non credit filio non uidebit uitam sed ira dei manet super eum
4.1	Ut ergo cognouit iesus quia audierunt pharisei quod iesus plures discipulos facit et baptizat quam iohannes
4.2	Quamquam iesus Ipse non baptizaret sed discipuli eius
4.3	reliquid iudaeam terram et abiit iterum in galileam
4.4	Oportebat autem eum transire per samariam
4.5	uenit ergo in ciuitatem samariae quae dicitur sychar iuxta predium quod dedit iacob ioseph filio suo
4.6	erat autem ibi fons iacob iesus ergo fatigatus ex itinere sedebat super puteum hora erat quasi sexta
4.7	et uenit mulier de samaria haurire aquam dicit ei iesus da mihi bibere
4.8	discipuli enim eius abierant in ciuitatem ut cibos emerent
4.9	dicit ergo ei mulier samaritana tu cum sis iudaeus quomodo a me bibere petis cum Sim mulier sammaritana non enim coutuntur iudei cum sammaritanis
4.10	Respondit iesus et dixit ei si scires donum dei et quis est qui dicit tibi da mihi bibere tu magis petisses ab eo et dedisset tibi aquam uiuam
4.11	Dicit ei mulier domine neque auritorium habes et puteus altus est unde habes aquam uiuam
4.12	numquid tu maior es patre nostro iacob qui dedit nobis puteum et ipse ex eo bibit et filii eius et pecora eius
4.13	respondit iesus et dixit ei omnis qui bibit ex hac aqua sitiet iterum
4.14	qui autem biberit ex aqua quam ego dedero ei non sitiet in aeternum sed aqua quam ego dabo ei fiet in eo fons aquae salientis in uitam aeternam
4.15	Dicit ad eum mulier domine da mihi hanc aquam ut non sitiam neque ueniam huc aurire
4.16	dicit ei iesus uade uoca uirum tuum et ueni huc
4.17	respondit mulier et dixit non habeo uirum dicit ei iesus bene dixisti quia uirum non habes
4.18	quinque enim uiros habuisti et nunc quem habes non est tuus uir hoc uerum dixisti
4.19	Dicit ei mulier domine uideo quia propheta es
4.20	patres nostri in monte hoc adorauerunt et uos dicitis quia in hierosolymis est locus ubi adorare oportet
4.21	dicit ei iesus mulier crede mihi quia ueniet hora quando neque in monte hoc neque in hierosolymis adorabitis patrem
4.22	uos adoratis quod nescitis nos adoramus quod scimus quia salus ex iudaeis est
4.23	sed ueniet hora et nunc est quando ueri adoratores adorabunt patrem in spiritu et ueritate nam et pater tales quaerit qui adorent eum
4.24	spiritus est deus et qui adorant eum in spiritu et ueritate oportet adorare
4.25	Dicit ei mulier scio quia messias uenit qui dicitur christus cum ergo uenerit ille nobis adnuntiabit omnia
4.26	dicit ei iesus ego sum qui loquor tecum
4.27	et continuo uenerunt discipuli eius et mirabantur quia cum muliere loquebatur nemo tamen dixit quid queris aut quid loqueris cum ea
4.28	Reliquit ergo mulier hydriam suam et abiit in ciuitatem et dixit hominibus
4.29	uenite uidete hominem qui dixit mihi omnia quaecumque feci numquid ipse est christus
4.30	Exierunt ergo de ciuitate et ueniebant ad eum
4.31	inter haec rogabant eum discipuli dicentes rabbi manduca
4.32	Ille autem dixit eis ego cibum habeo manducare quem uos nescitis
4.33	Dicebant ergo discipuli eius ad inuicem Numquid aliquis attulit ei manducare
4.34	Dicit illis iesus Mea esca est ut faciam uoluntatem eius qui me misit et perficiam opus eius
4.35	nonne uos dicitis quod adhuc quattuor menses sunt et messis uenit ecce dico uobis Leuate oculos uestros et uidete regiones quia albae sunt ad messem iam
4.36	qui metit mercedem accipit et congregat fructum in uitam aeternam ut et qui seminat simul gaudeat et qui metit
4.37	in hoc est enim uerbum ueritatis quia alius est qui seminat et alius qui metit
4.38	ego misi uos metere quod uos non laborastis Alii laborauerunt et uos in labores eorum introistis
4.39	Ex ciuitate autem illa multi crediderunt in eum samaritanorum propter uerbum mulieris testimonium perhibentis quia dixit mihi omnia quæcumque feci
4.40	Cum uenissent ergo ad eum samaritani rogauerunt eum ut ibi maneret et mansit ibi biduo
4.41	et multo plures crediderunt propter uerbum eius
4.42	Mulieri autem dicebant quia iam non propter tuam loquellam credimus ipsi enim audiuimus et scimus quia hic est uere saluator mundi
4.43	post duos autem profectus est inde in galilaeam
4.44	ipse enim iesus Testimonium perhibuit quia propheta in sua patria honorem non habet
4.45	cum ergo uenit in galilaeam exceperunt eum galilaei omnia uidentes quae fecerat hierosolymis in die festo et ipsi enim uenerant in diem festum
4.46	Uenit ergo iterum in cana galilaeae ubi fecit aquam uinum erat autem quidam regulus cuius filius infirmabatur capharnaum
4.47	hic cum audisset quia iesus uenit de iudaea in galilaeam uenit ad eum et rogabat eum ut descenderet et sanaret filium eius incipiebat enim mori
4.48	Dixit ergo iesus ad eum nisi signa et prodigia uideritis non creditis
4.49	dicit ad eum regulus domine descende priusquam moriatur puer
4.50	Dicit illi iesus uade filius tuus uiuit et credidit homo uerbo quod dixit illi iesus et abiit
4.51	Iam autem descendente eo serui occurerunt ei et nuntiauerunt dicentes quia filius eius uiuit
4.52	Interrogabat ergo horam ab eis in qua melius habuit et dixerunt ei quia heri hora septima reliquit eum febris
4.53	cognouit ergo pater quia illa hora qua dixit ei iesus filius tuus uiuit et credidit ipse et domus eius tota
4.54	hoc iterum secundum signum fecit iesus cum uenisset a iudaea in galilaeam
5.1	Post haec erat dies festus iudaeorum et ascendit iesus hierosolymis
5.2	est autem hierosolymis probatica piscina quae dicitur hebraeicae belzaetha quinque porticus habens
5.3	in his iacebat multitudo magna languentium caecorum claudorum aridorum paralyticorum expectantium aquae motum
5.4	angelus autem discendebat et mouebat aquam et quicumque prior discendebat in natatoria sanus fiebat quacumque tenebatur infirmitate
5.5	Erat autem ibi homo xxx et octo annos habens in infirmitate sua
5.6	hunc cum uidisset iesus iacentem et sciens quod multum iam tempus habet dicit illi uis sanus fieri
5.7	Respondit illi infirmus domine hominem non habeo ut cum mota fuerit aqua mittat me in piscinam Dum uenio enim ego alius ante me descendit
5.8	Dicit illi iesus surge et tolle grabattum tuum et ambula
5.9	et statim sanus factus est homo et surrexit et sustulit grabattum suum et ambulabat erat autem sabbatum in illa die
5.10	Dicebant ergo iudei illi qui curatus fuerat sabbatum est non licet tibi tollere grabattum tuum
5.11	respondit eis qui fecit me sanum ille mihi dixit tolle grabattum tuum et ambula
5.12	interrogauerunt eum quis est ille homo qui dixit tibi tolle grabattum tuum et ambula
5.13	his autem qui curatus fuerat nesciebat quis esset iesus enim declinauit a turba constituta in loco
5.14	postea inuenit eum iesus in templo et dixit illi ecce sanus factus es iam noli peccare ne quid tibi deterius contingat
5.15	Abiit ille homo et nuntiauit iudaeis quia iesus est qui fecit me sanum
5.16	et propter hoc persequebantur iudaei iesum quia haec faciebat in sabbato
5.17	iesus autem respondit eis pater meus usque modo operatur et ego operor
5.18	propter hoc magis quaerebant eum iudaei interficere quia non solum soluebat sabbatum sed et patrem suum dicebat deum aequalem se faciens deo
5.19	Respondit iesus et dixit eis amen amen dico uobis non potest filius a se facere quicquam nisi quod uiderit patrem facientem quecumque enim ille fecerit haec et filius facit similiter
5.20	pater enim diligit filium et omnia demonstrat ei quae ipse facit et maiora horum demonstrauit ei opera ut uos miremini
5.21	sicut enim pater suscitat mortuos et uiuificat sic et filius quos uult uiuificat
5.22	Neque enim pater iudicat quemquam sed iudicium omne dedit filio
5.23	ut omnes honorificent filium sicut honorificant patrem qui non honorificat filium non honorificat patrem qui misit illum
5.24	amen amen dico uobis quia qui uerbum meum audit et credit ei qui me misit habet uitam aeternam et in iudicium non ueniet sed transiit a morte in uitam
5.25	amen Amen dico uobis quia uenit hora et nunc est quando mortui audient uocem fili dei et qui audierint uiuent
5.26	sicut enim pater habet uitam in semet ipso sic dedit et filio uitam habere in semet ipso
5.27	et potestatem dedit ei iudicium facere quia filius hominis est
5.28	Nolite mirari hoc quia uenit hora in qua omnes qui in monumentis sunt audient uocem eius
5.29	et procedent qui bona fecerunt in resurrectionem uitae qui autem mala gesserunt in resurrectionem iudicii
5.30	non possum ego a me ipso facere quicquam sicut audio iudico et iudicium meum iustum est quia non quaero uoluntatem meam sed uoluntatem eius qui me misit
5.31	Si ego testimonium perhibeo de me testimonium meum non est uerum
5.32	alius est qui testimonium perhibet de me et scitis quia uerum est testimonium quod testificatur de me
5.33	Uos misistis ad iohannem et testimonium perhibuit ueritati
5.34	ego autem non ab homine testimonium accipio sed haec dico ut uos salui sitis
5.35	ille erat lucerna ardens et lucens uos autem uoluistis exultare ad oram in lumine eius
5.36	ego autem habeo testimonium maius iohanne opera enim quae dedit mihi pater ut perficiam ea ipsa opera quae ego facio testimonium perhibent de me quia pater me misit
5.37	et qui misit me pater ipse testimonium perhibet de me nequae uocem eius umquam audistis neque figuram eius uidistis
5.38	et uerbum eius non habetis in uobis manentem quia quem misit ille huic uos non creditis
5.39	Scrutamini scripturas in quibus putatis uos uitam aeternam habere Et illae sunt quae testimonium perhibent de me
5.40	et non uultis uenire ad me ut uitam habeatis
5.41	gloriam ab hominibus non accipio
5.42	sed cognoui uos quia dilectionem dei non habetis in uobis
5.43	Ego ueni in nomine patris mei et non accepistis me si alius uenerit in nomine suo illum accipietis
5.44	quomodo potestis uos credere gloriam ab inuicem accipientes et gloriam a solo deo non quaeritis
5.45	Nolite putare quia ego accusabo uos apud patrem est qui uos accuset moyses in quem uos speratis
5.46	si enim crederetis moysi crederetis forsitan et mihi de me enim ille scripsit
5.47	si autem illius litteris non creditis quomodo uerbis meis credetis
6.1	Post haec abiit iesus trans mare galileae illius tiberiadis
6.2	sequebatur autem eum turba magna quoniam uidebant signa que faciebat super infirmos
6.3	Abiit ergo in montem iesus et ibi sedebat cum discipulis suis
6.4	erat autem proximum pascha dies festus iudaeorum
6.5	eleuatis ergo oculis iesus et uidisset quia multitudo maxima uenit ad eum ait ad pilippum unde ememus panes ut manducent isti
6.6	hoc autem dicebat temptans eum Ipse enim sciebat quid esset facturus
6.7	respondit ei philippus ducentorum denariorum panes non sufficiunt eis ut unusquisque modicum accipiat
6.8	Dicit ei unus ex discipulis eius andreas frater simonis petri
6.9	est puer unus hic qui habet quinque panes hordiacios et duos pisces sed haec quid sunt inter tantos
6.10	dixit ergo iesus facite homines discumbere erat autem faenum multum in illo loco discubuerunt ergo uiri numero quasi quinque milia
6.11	Accepit ergo panes iesus et cum gratias egisset distribuit discumbentibus Similiter et de piscibus quantum uolebant
6.12	Et ubi saturati sunt dixit discipulis suis colligite quae superauerunt fragmenta ne pereant
6.13	collegerunt ergo et impleuerunt duodecim cophinos fragmentorum ex quinque panibus hordiaciis quae superauerunt his qui manducauerant
6.14	Illi ergo homines cum uidissent quod fecit signum dicebant quia hic est uere propheta qui in hunc mundum uenit
6.15	iesus ergo cum cognouisset quia uenturi essent ut raperent eum et facerent eum regem Fugit iterum in montem ipse solus
6.16	Cum autem sero factum esset descenderunt discipuli eius ad mare
6.17	et cum ascendissent nauem uenerunt trans mare in capharnaum et tenebrę iam factae erant et non uenerat ad eos iesus
6.18	mare autem uento magno flante exsurgebat
6.19	cum remigassent ergo quasi stadia uiginti quinque uel triginta uident iesum ambulantem super mare et iuxta nauem fieri et timuerunt
6.20	Ille autem dixit eis ego sum nolite timere
6.21	uolebant ergo accipere eum in nauem et confestim nauis facta est ad terram in qua ibant
6.22	altera die turba quae stabat trans mare uidit quia nauicula alia non erat ibi nisi una et quia non simul cum discipulis suis iesus in nauem sed Soli discipuli eius abierant
6.23	aliae uero superuenerunt naues a tiberiade iuxta locum ubi manducauerant panem quem benedixerat dominus
6.24	Cum ergo uidissent turbae quia iesus non est ibi neque discipuli eius ascenderunt nauiculas et uenerunt caparnaum quaerentes iesum
6.25	et cum inuenissent eum trans mare dixerunt ei rabbi quando huc uenisti
6.26	respondit eis iesus et dixit Amen amen dico uobis quaeritis me non quia uidistis signa et prodigia sed quia manducastis de panibus et saturati estis
6.27	operamini non escam quae perit sed quae permanet in uitam aeternam quam filius hominis dabit uobis hunc enim pater signauit deus
6.28	Dixerunt ergo ad eum quid faciemus ut operemur opera dei
6.29	respondit iesus et dixit eis hoc est opus dei ut credatis in eum quem misit ille
6.30	Dixerunt ergo ei quod ergo tu facis signum ut uideamus et credamus tibi quid operaris
6.31	patres nostri manna manducauerunt in deserto sicut scriptum est panem de caelo dedit eis manducare
6.32	Dixit ergo eis iesus Amen amen dico uobis non moyses dedit uobis panem de cęlo sed pater meus dat uobis panem de cęlo uerum
6.33	panis enim dei est qui descendit de caelo et uitam dat huic mundo
6.34	dixerunt ergo ad eum domine semper da nobis hunc panem
6.35	Dixit ergo eis iesus ego sum panis uitae qui uenit ad me non esuriet et qui credit in me non sitiet umquam
6.36	sed dixi uobis quia et uidistis me et non creditis
6.37	omne quod dat mihi pater ad me Ueniet et eum qui uenit ad me non eicio foras
6.38	quoniam descendi de caelo non ut faciam uoluntatem meam sed uoluntatem eius qui me misit
6.39	haec est autem uoluntas eius qui me misit ut omne quod dedit michi non perdam ex eo sed resuscitem illum in nouissima die
6.40	haec est enim uoluntas patris mei ut omnis qui uidet filium et credit in eum habeat uitam aeternam et resuscitabo eum in nouissima die
6.41	murmurabant ergo iudaei de illo quia dixit ego sum panis qui de caelo descendi
6.42	et dicebant nonne hic est iesus filius ioseph cuius nos nouimus patrem et matrem quomodo ergo dicit quoniam de caelo descendi
6.43	Respondit ergo iesus et dixit eis nolite murmurare inter uos
6.44	nemo potest uenire ad me nisi pater qui me misit adtraxerit Eum et ego resuscitabo eum in nouissima die
6.45	scriptum est enim in prophetis et erunt omnes docibiles dei Omnis qui audit a patre et didicit uenit ad me
6.46	non quia patrem uidit quisquam nisi qui est a deo hic uidit patrem
6.47	amen amen dico uobis qui credit in me habet uitam aeternam
6.48	Ego sum panis uitae
6.49	patres uestri manducauerunt panem in deserto manna et mortui sunt
6.50	hic est panis qui de caelo descendit ut si quis ex ipSo manducauerit non moriatur
6.51	Ego sum panis uiuus qui de caelo descendi si quis manducauerit ex hoc pane uiuet in aeternum panis quem ego dabo caro mea est pro huius mundi uita
6.52	litigabant ergo iudaei ad inuicem dicentes quomodo potest hic nobis carnem suam dare manducare
6.53	Dixit autem illis iesus Amen amen dico uobis nisi ederitis carnem fili hominis et biberitis eius sanguinem non habebitis uitam in uobis
6.54	qui manducat meam carnem et bibet meum sanguinem habet uitam aeternam et ego resuscitabo eum in nouissima die
6.55	Caro enim mea uere est cibus et sanguis meus uere est potus
6.56	Qui manducat meam carnem et bibet meum sanguinem in me manet et ego in illo
6.57	sicut misit me uiuus pater et ego uiuo propter patrem et qui manducat me et ipse uiuet propter me
6.58	hic est panis qui de caelo descendit non sicut manducauerunt patres uestri manna et mortui sunt qui manducat hunc panem uiuet in aeternum
6.59	Haec dixit in synagoga docens sabbato in chaparnaum
6.60	multi ergo audientes ex discipulis eius dixerunt durus est hic sermo quis potest eum audire
6.61	Sciens autem iesus et ipsum quia murmurarent de hoc discipuli eius dixit eis hoc uos scandalizat
6.62	quid si uideritis filium hominis ascendentem ubi erat prius
6.63	spiritus est qui uiuificat nam caro nihil prodest uerba quae ego locutus sum uobis spiritus et uita est
6.64	sed ex uobis sunt Quidam qui non credunt sciebat enim ab initio iesus qui essent non credentes et qui esset qui illum traditurus erat
6.65	et dicebat propterea dixi uobis quia nemo potest uenire ad me nisi illi datum fuerit a patre
6.66	ex hoc ergo multi ex discipulis eius abierunt retro et amplius cum illo non ambulabant
6.67	dixit ergo iesus ad duodecim numquid et uos uultis ire
6.68	respondit simon petrus domine ad quem ibimus uerba uitae aeternae habes
6.69	et nos credimus et cognouimus quia tu es christus filius dei
6.70	Respondit iesus nonne ego uos xii elegi et unus ex uobis diabolus est
6.71	dicebat autem de iuda simone scarioth hic enim traditurus eum erat cum esset unus ex xii
7.1	Post haec ambulabat iesus in galileam non enim habebat potestatem in iudaeam ambulare quoniam quaerebant eum iudaei interficere
7.2	erat autem in proximo dies festus iudaeorum scenopegia
7.3	Dixerunt ergo ad eum fratres eius transi hinc et uade in iudaeam ut et discipuli tui uideant opera quae facis
7.4	nemo enim in occulto aliquid facit et quaerit ipse in palam esse si haec facis manifesta te ipsum huic mundo
7.5	neque enim tunc fratres eius credebant in eum
7.6	Dicit ergo eis iesus tempus meum nondum Aduenit tempus autem uestrum semper est paratum
7.7	non potest mundus odire uos me autem odit quia ego testimonium perhibeo de illo quia opera eius mala sunt
7.8	uos ascendite ad diem festum ego non ascendo ad diem festum hunc quia tempus meum nondum impletum est
7.9	haec cum dixisset ipse mansit in galilaeam
7.10	ut autem ascenderunt fratres eius tunc et ipse ascendit ad diem festum non palam sed quasi in occulto
7.11	iudaei ergo quaerebant eum in die festo et dicebant ubi est ille
7.12	et murmur de illo erat in turba quidam enim dicebant quia bonus est alii dicebant non sed seducit populum
7.13	nemo tamen palam loquebatur de illo propter metum iudaeorum
7.14	Iam autem die festo mediante ascendit iesus in templum et docebat
7.15	Mirabantur ergo iudaei dicentes quomodo hic litteras nouit cum non didicerit
7.16	respondit iesus et dixit mea doctrina non est mea sed eius qui me misit
7.17	si quis uoluerit uoluntatem eius facere cognoscet de doctrina utrum ex deo est an ego a me ipso loquor
7.18	qui a semet ipso loquitur gloriam suam quaerit qui autem quaerit gloriam eius qui misit eum hic uerax est et iniquitas in illo non est
7.19	nonne moyses dedit uobis legem et nemo ex uobis facit legem quid me queritis interficere
7.20	Respondit turba et dixit daemoNium habes quis te quaerit interficere
7.21	respondit iesus et dixit eis unum opus feci et omnes miramini
7.22	propterea moyses dedit uobis circumcisionem non quia ex moyse est sed ex patribus et in sabbato circumciditis hominem
7.23	si circumcisionem accipit homo in sabbato ut non soluatur lex moysi mihi indignamini quia totum hominem sanum feci sabbato
7.24	nolite iudicare secundum faciem sed iustum iudicium iudicate
7.25	Dicebant ergo quidam ex ierosolymitis nonne hic est quaem quaerunt occidere
7.26	et ecce palam loquitur et nihil illi dicunt numquid uere cognouerunt principes quia hic est christus
7.27	sed hunc scimus unde sit christus autem cum uenerit nemo scit unde sit
7.28	Clamabat ergo docens in templo iesus dicens et me nostis et scitis unde sim et a me ipso non ueni sed est uerus qui me misit quem uos nescitis
7.29	ego autem noui illum quia ab ipso sum et ipse me misit
7.30	Quaerebant ergo eum adpraehendere et nemo misit in illum manus quia nondum uenerat hora eius
7.31	de turba autem multi crediderunt in eum et dicebant christus cum uenerit numquid plura signa faciet quam que hic facit
7.32	audierunt pharisaei turbam murmurantem de illo et miserunt principes sacerdotum et pharisaei ministros ut adpraehenderent eum
7.33	dixit ergo iesus adhuc modicum tempus uobiscum sum et uado ad eum qui me misit
7.34	quaeritis me et non inuenietis et ubi ego sum uos non potestis uenire
7.35	Dixerunt ergo iudaei inter se Quo hic iturus est quia non inueniemus eum numquid in dispersionem grecorum incipiet ire et docere graecos
7.36	quis est hic sermo quem dixit quaeritis me et non inuenietis et ubi ego sum uos non potestis uenire
7.37	In nouissimo autem die illo magno diei festi stabat iesus et clamabat dicens si quis sitit ueniat ad me et bibat
7.38	qui credit in me sicut dixit scriptura flumina de uentre eius fluent aquae uiuae
7.39	Hoc autem dicebat de spiritu quem accepturi erant credentes in eum nondum autem erat spiritus datus quia iesus nondum fuerat honoratus
7.40	De turba autem cum audisset hos sermones eius dicebant hic est uere propheta
7.41	alii dicebant hic est christus quidam autem dicebant numquid a galilea christus uenit
7.42	nonne scriptura dicit quia ex semine dauid et a bethlem castello ubi erat dauid christus uenit
7.43	dissensio itaque facta est in turba propter eum
7.44	Quidam autem ex illis uolebant apprehendere eum sed nemo misit in illum manus
7.45	Uenerunt ergo ministri ad principes sacerdotum et phariseos et dixerunt eis illi quare non adduxistis illum
7.46	Responderunt ministri numquam sic locutus est homo quomodo hic homo
7.47	Responderunt eis pharisei numquid et uos seducti estis
7.48	numquid aliquis ex principibus credidit in eum aut ex phariseis
7.49	sed turba hæc que non nouit legem maledicti sunt
7.50	Dicit nicodemus ad eos ille qui uenit ad eum nocte qui unus erat ex ipsis
7.51	numquid lex nostra iudicat hominem nisi audierit primum ab ipso et cognouerit quid faciat
7.52	responderunt et dixerunt ei numquid et tu galilęus es scrutare scripturas et uide quia propheta a galilea non surgit
7.53	
8.1	iesus autem ascendit in montem oliueti
8.2	mane autem iterum uenit in templum et omnis populus ueniebat ad eum
8.3	
8.4	dixerunt ad iesum Magister hęc mulier deprehensa est in adulterio
8.5	
8.6	
8.7	
8.8	
8.9	
8.10	Erigens autem se iesus dixit mulieri ubi sunt nemo te condemnauit
8.11	Quę dixit Nemo domine Dixit autem illi iesus Nec ego te condemnabo Uade et ex hoc iam noli peccare
8.12	iterum ergo locutus est eis iesus dicens ego sum lux mundi qui sequitur me non ambulauit in tenebris sed habebit lumen uitae
8.13	Dixerunt ergo illi pharisei tu de te testimonium perhibes testimonium tuum non est uerum
8.14	respondit iesus et dixit eis etsi ego testimonium perhibeo de me ipso uerum est testimonium meum quia scio unde ueni et quo uado uos autem nescitis unde uenio et quo uado
8.15	uos secundum carnem iudicatis ego neminem iudico
8.16	et si iudico ego iudicium meum uerum est quia solus non sum sed ego et qui me misit pater
8.17	et in lege uestra scriptum est quia duorum hominum testimonium uerum est
8.18	Ego sum qui testimonium perhibeo de me et testimonium perhibet de me qui me misit pater
8.19	Dicebant ergo ei ubi est pater tuus respondit iesus neque me nostis neque patrem meum si enim me sciretis et patrem meum sciretis
8.20	Haec uerba locutus est in gazophylacio docens in templo et nemo adprehendit eum quia nondum uenerat hora eius
8.21	Dixit ergo iterum iesus ego uado et quaeritis me et in peccato uestro moriemini quo ego uado uos non potestis uenire
8.22	Dicebant ergo iudaei numquid interficiet seipsum quia dicit quo ego uado uos non potestis uenire
8.23	et dicebat illis uos de deorsum estis ego de superioribus sum uos de hoc mundo estis ego non sum de hoc mundo
8.24	dixi ergo uobis quia moriemini in peccatis uestris si enim non credideritis quia ego sum moriemini in peccatis uestris
8.25	dicebant ergo ei Tu quis es Dixit eis iesus principium quod et loquor uobis
8.26	multa habeo de uobis loqui et iudicare sed qui me misit uerax est et ego quae audiui ab eo haec loquor in hoc mundo
8.27	et non cognouerunt quia patrem eis dicebat deum
8.28	Dixit ergo eis iesus cum exaltaueritis filium hominis tunc cognoscetis quia ego sum et a me facio nihil sed sicut docuit me pater haec loquor
8.29	et qui me misit mecum est non relinquit me solum quia ego quae placita sunt ei facio semper
8.30	Haec illo loquente multi crediderunt in eum
8.31	dicebat ergo iesus ad eos qui crediderunt ei iudæis si uos manseritis in uerbo meo uere discipuli mei estis
8.32	et cognoscetis ueritatem et ueritas liberabit uos
8.33	responderunt ei semen abrahae sumus et nemini umquam seruiuimus quomodo tu dicis liberi eritis
8.34	Respondit eis iesus amen amen dico uobis quia omnis qui facit peccatum seruus est peccati
8.35	seruus autem non manet in domo in aeternum filius manet in aeternum
8.36	si filius uos liberauerit uere liberi eritis
8.37	Scio quia semen abrahae estis sed quaeritis me occidere quia sermo meus non capit in uobis
8.38	ego quod uidi aput patrem meum loquor et uos quae uidistis aput patrem uestrum facitis
8.39	responderunt et dixerunt ei pater noster abraham est Dicit eis iesus si fili abrahae essetis opera abrahae faceretis
8.40	nunc autem queritis me interficere hominem qui ueritatem locutus sum uobis quam audiui a deo hoc abraham non fecit
8.41	uos facitis opera patris uestri Dixerunt ei nos ex fornicatione non sumus nati unum patrem habemus deum
8.42	Dixit eis iesus si deus pater uester esset diligeretis utique me ego enim ex deo processi et ueni non enim a me ipso ueni sed ille me misit
8.43	quare loquelam meam non cognoscitis quia non potestis audire uerbum meum
8.44	Uos ex patre diabolo estis et desideria patris uestri uultis facere ille homicida fuit ab initio et in ueritate non stetit quia non est ueritas in eo qui loquitur mendacium ex suis propriis loquitur quia mendax est sicut et pater eius
8.45	ego quia ueritatem dico non creditis mihi
8.46	quis ex uobis arguet me de peccato si ueritatem dico quare uos non creditis mihi
8.47	qui est ex deo uerba dei audit propterea uos non auditis quia ex deo non estis
8.48	Responderunt iudaei et dixerunt ei nonne bene dicimus nos quia samaritanus es tu et daemonium habes
8.49	Respondit iesus ego daemonium non habeo sed honorifico patrem meum et uos me
8.50	ego autem non quaero gloriam meam est qui quaerat et iudicet
8.51	Amen amen dico uobis si quis sermonem meum seruauerit mortem non uidebit in aeternum
8.52	Dixerunt ergo iudaei nunc cognouimus quia demonium habes abraham mortuus est et prophetae et tu dicis si quis sermonem meum seruauerit non gustabit mortem in aeternum
8.53	numquid tu maior es quam abraham qui mortuus est et prophetae mortui sunt quem te ipsum facis
8.54	Respondit iesus si ego clarificauero me ipsum claritas mea nihil est est pater meus qui glorificat me quem uos dicitis quia deus uester est
8.55	et non cognouistis eum Ego autem noui eum et si dixero quia nescio eum ero similis uobis mendax sed scio eum et uerbum eius seruo
8.56	abraham pater uester exultauit ut uideret diem meum et uidit et gauisus est
8.57	Dixerunt ergo iudaei ad eum quinquaginta annos nondum habes et abraham uidisti
8.58	Dixit eis iesus amen amen dico uobis ante abraham ego sum
8.59	tulerunt ergo lapides ut mitterent in eum iesus autem abscondit se et exiit de templo
9.1	Et preteriens uidit hominem caecum a natiuitate
9.2	et interrogauerunt eum discipuli eius dicentes rhabbi quis peccauit hic aut parentes eius ut caecus nasceretur
9.3	Respondit iesus neque hic peccauit neque parentes eius sed ut manifestetur opera dei in illo
9.4	me oportet operari opera eius qui me misit dum dies est uenit nox quando nemo potest operari
9.5	cum sum in hoc mundo sum lux sum huius mundi
9.6	Haec cum dixisset expuit in terram et fecit lutum ex sputo et linuit lutum super oculos eius
9.7	et dixit ei uade in natatoriam siloam quod interpraetatur missus abiit et lauit et uenit uidens
9.8	Uicini ergo eius et qui uiderant eum prius quia mendicus erat dicebant nonne hic est qui sedebat et mendicabat
9.9	alii dicebant hic est alii autem dicebant quia similis est ILLI ille autem dicebat ego sum
9.10	Dicebant ergo ei quomodo aperti sunt tibi oculi
9.11	respondit ille homo qui dicitur iesus lutum fecit et linuit mihi oculos et dixit mihi uade in siloam et laua et abii et laui et uideo
9.12	Dixerunt ergo ei ubi est ille dicit nescio
9.13	Adducunt eum ad phariseos qui caecus fuerat
9.14	erat autem sabbatum quando lutum fecit iesus et aperuit oculos eius
9.15	Iterum ergo interrogabant eum pharisei quomodo uidisti ille autem dixit eis lutum posuit mihi super oculos et laui et ecce uideo
9.16	Dicebant itaque quidam ex pharisaeis hic homo non est a deo quod sic sabbatum non custodit alii dicebant quomodo potest homo peccator talia signa facere et schisma erat inter eos
9.17	dicunt ergo illi caeco tu quid dicis de eo qui aperuit oculos tuos ille autem dixit quia profeta est
9.18	Non credebant iudei de illo quoniam cecus fuit et uidet donec uocarentur parentes eius
9.19	et interrogauerunt eos dicentes hic est filius uester quem uos dicitis quia caecus natus est quomodo ergo uidet modo
9.20	Responderunt parentes eius et dixerunt scimus quia hic est filius noster et quia caecus natus est
9.21	quomodo autem nunc uideat nescimus aut quis aperuit oculos eius nos nescimus ipsum interrogate aetatem habet ipse pro se loquatur
9.22	Haec dixerunt parentes eius quia timebant iudaeos iam enim decreuerant iudaei ut si quis eum confiteretur christum extra synagogam fieret
9.23	propterea parentes eius dixerunt aetatem habet ipsum interrogate
9.24	Uocauerunt ergo hominem iterum qui fuerat caecus et dixerunt ei da honorem deo nos scimus quia hic homo peccator est
9.25	dixit ergo ille si peccator est nescio unum scio quia caecus eram et modo uideo
9.26	Dixerunt ergo ei quid fecit tibi quomodo aperuit tibi oculos
9.27	Respondit eis dixi uobis iam et audistis quid iterum uultis audire numquid et uos uultis discipuli eius fieri
9.28	maledixerunt ei et dixerunt tu sis discipulus eius nos moysi discipuli sumus
9.29	nos scimus quia moysi locutus est deus hunc autem nescimus unde sit
9.30	Respondit ille homo et dixit in hoc mirabile est quia uos nescitis unde sit et aperuit oculos meos
9.31	Scimus quia peccatores deus non exaudit sed si quis dei cultor est et uoluntatem eius facit hunc exaudit
9.32	a saeculo numquam auditum est quia aperuit quis oculos caeci nati
9.33	nisi esset hic a deo non poterat facere quicquam
9.34	Responderunt et dixerunt ei in peccatis natus es totus et tu doces nos Et eiecerunt eum foras
9.35	Audiuit autem iesus quia eiecerunt eum foras et cum inuenisset eum dixit ei tu credis in filium dei
9.36	Respondit ille et dixit quis est domine ut credam in eum
9.37	Et dixit ei iesus et uidisti eum et qui loquitur tecum ipse est
9.38	ad ille dixit credo domine et adorauit eum
9.39	Dixit ei iesus In iudicium ego ueni in hunc mundum ut qui non uident uideant et qui uident caeci fiant
9.40	Et audierunt ex phariseis qui cum ipso erant et dixerunt ei numquid et nos caeci sumus
9.41	Dixit eis iesus si caeci essetis non haberetis peccatum nunc autem dicitis quia uidemus peccatum uestrum manet
10.1	Amen amen dico uobis qui non intrat per ianuam in ouile ouium sed ascendit aliunde ille fur est et latro
10.2	qui autem intrat per ianuam hic pastor est ouium
10.3	huic ostiarius aperit et oues uocem eius audiunt et suas oues uocat nominatim et producit illas
10.4	et cum suas omnes eieCerit ante eas uadit et oues illum secuntur quia sciunt uocem eius
10.5	alienum autem non secuntur sed fugiunt ab eo quia nesciunt eius uocem
10.6	Hoc prouerbium dixit illis iesus illi autem non cognouerunt quod loquebatur eis
10.7	dixit ergo eis iterum iesus Amen amen dico uobis quia ego sum ianua ouium
10.8	omnes quodquod uenerunt fures sunt et latrones sed non audierunt eos oues
10.9	ego sum ianua per me si quis introierit saluabitur et introibit et exiet et pascua inueniet
10.10	fur non uenit nisi ut furetur et occidat et perdat ego ueni ut uitam habeant et abundantius habeant
10.11	Ego sum pastor bonus pastor bonus animam suam ponit pro ouibus
10.12	mercennarius autem et qui non est pastor cuius non sunt oues propriae uidet lupum uenientem et dimittit oues et fugit et lupus rapit et dispargit oues
10.13	Mercennarius autem fugit quia conducticius est et non pertinet ad eum de ouibus
10.14	Ego sum pastor bonus et cognosco oues meas et cognoscunt me meae
10.15	sicut cognoscit me pater et ego agnosco patrem et animam meam pono pro ouibus meis
10.16	et alias oues habeo quae non sunt de hoc ouili et illas oportet me adducere et uocem meam Audient et fiet unus grex et unus pastor
10.17	propterea me pater diligit quia ego pono animam meam ut iterum sumam eam
10.18	nemo tollit eam a me sed ego pono eam a me ipso Potestatem habeo ponendi eam et potestatem habeo iterum sumendi eam hoc mandatum accepi a patre meo
10.19	Dissensio iterum facta est inter iudaeos propter sermones hos
10.20	et dicebant multi ex ipsis daemonium habet et insanit quid eum auditis
10.21	alii dicebant haec uerba non sunt daemonium habentis numquid daemonium potest caecorum oculos aperire
10.22	Facta sunt autem encenia in hierosolymis hiems erat
10.23	et ambulabat iesus in templo in porticu solomonis
10.24	circumdedeerunt ergo eum iudaei et dicebant ei usquequo animam nostram tollis si tu es christus dic nobis palam
10.25	Respondit eis iesus loquor uobis et non creditis opera quae ego facio in nomine patris mei haec testimonium perhibent de me
10.26	sed uos non creditis quia non estis ex ouibus meis sicut dixi uobis
10.27	qui sunt ex ouibus meis uocem meam audiunt et ego cognosco eas et secuntur me
10.28	et ego uitam aeternam do eis et non peribunt in eternum et non quisquam rapit eas de manu mea
10.29	pater quod dedit mihi maius omnibus est et nemo potest rapere illud de manu patris mei
10.30	ego et pater unum sumus
10.31	Sustulerunt ergo lapides iudaei ut lapidarent eum
10.32	Respondit eis iesus multa opera bona ostendi uobis ex patre meo propter quod eorum opus lapidatis me
10.33	Responderunt ei iudaei de bono opere non te lapidamus sed de blasphemia et quia tu homo cum sis facis te ipsum deum
10.34	Respondit eis iesus nonne scriptum est in lege quia ego dixi dii estis
10.35	si illos dixit deos ad quos sermo fiebat dei et non potest solui scriptura
10.36	quem pater sanctificauit et misit in hunc mundum uos dicitis quia blasphemat quia dixi filius dei sum
10.37	Si non facio opera patris mei nolite mihi credere
10.38	quod si facio et mihi non uultis credere operibus credite et cognoscetis quia in me est pater et ego in patre
10.39	Quaerebant ergo eum adprehendere et exiit de manibus eorum
10.40	et abiit iterum trans iordanen in eum locum ubi erat iohannes prius baptizans et manebat illic
10.41	Et multi ueniebant ad eum et dicebant quia iohannes quidem signum fecit nullum omnia autem quaecumque iohannes dixit de hoc uera erant
10.42	et multi crediderunt in eum
11.1	Erat autem quidam infirmus nomine lazarus a bethania de castello mariae et marthae sororis eius
11.2	maria autem erat quae unxerat dominum unguento et extersit pedes eius capillis suis cuius frater lazarus infirmabatur
11.3	miserunt ergo sorores eius ad iesum dicentes domine ecce quem amas infirmatur
11.4	cum audisset iesus ait illis infirmitas haec non est ad mortem sed pro gloria dei ut glorificetur filius dei per ipsum
11.5	diligebat autem iesus lazarum et sororem eius
11.6	ut ergo audiuit quia infirmatur tunc quidem mansit in eodem loco duobus diebus
11.7	deinde post haec dicit discipulis suis eamus in iudaeam iterum
11.8	Dicunt ei discipuli eius rhabbi nunc quaerebant te lapidare iudaei et iterum uadis illuc
11.9	Respondit iesus nonne xii horae sunt diei si quis ambulauerit in die non offendit quia lucem huius mundi uidet
11.10	si quis ambulauerit in noctem offendet quia lux non est in eo
11.11	Haec ait et post haec dicit eis lazarus amicus noster dormit sed uado ut suscitem eum
11.12	Dixerunt ergo ei discipuli eius domine si dormit saluus erit
11.13	dixerat autem iesus de morte eius illi autem putauerunt quia de dormitione somni diceret
11.14	tunc ergo dicit eis iesus manifeste lazarus mortuus est
11.15	et gaudeo propter uos ut credatis quoniam non eram ibi sed eamus ad eum
11.16	Ait ergo thomas qui dicitur didymus ad condiscipulos eamus et nos ut moriamur cum illo
11.17	Uenit ergo iesus et inuenit eum quattuor dies iam in monumento habentem
11.18	erat autem bethania iuxta iherosolimam fere a stadiis quindecim
11.19	Multi autem ex iudaeis uenerant ad martham et mariam ut consolarentur eas de fratre suo
11.20	Martha ergo ut audiuit quia iesus uenit occurrit illi maria autem domi sedebat
11.21	Dixit ergo martha ad iesum domine si hic fuisses frater meus non esset mortuus
11.22	sed et nunc scio quia quaecumque petieris a deo dabit tibi deus
11.23	Dicit ei iesus resurget frater tuus
11.24	Dicit ei martha scio quia resurget in resurrectione in nouissima die
11.25	Dixit ei iesus ego sum resurrectio et uita qui credit in me etsi mortuus fuerit uiuet
11.26	et omnis qui uiuit et credit in me non morietur in aeternum credis hoc
11.27	Ait illi martha utique domine ego credidi quia tu es christus filius dei qui in hunc mundum uenisti
11.28	Et cum haec dixisset abiit et uocauit mariam sororem suam silentio dicens magister uenit et uocat te
11.29	Illa ut audiuit surrexit cito et ueniebat ad eum
11.30	nondum enim uenerat iesus in castellum sed erat adhuc in illo loco ubi occurrerat ei martha
11.31	Iudaei autem qui erant cum ea in domo consolantes eam uidentes mariam quia cito surrexit et exiit secuti sunt eam dicentes quia uadit ad monumentum ut ploret ibi
11.32	maria ergo ut uenit ubi erat iesus et uidit eum cecidit ad pedes eius et dixit ei domine si fuisses hic non esset mortuus frater meus
11.33	iesus ergo ut uidit eam plorantem et iudaeos flentes qui uenerant cum ea infremuit spiritu et turbauit se ipsum
11.34	et dixit ubi posuistis eum dicunt ei domine ueni et uide
11.35	et lacrimatus est iesus
11.36	Dixerunt ergo iudaei ecce quomodo amabat eum
11.37	quidam autem dixerunt ex ipsis non poterat hic qui aperuit oculos caeci facere ut et hic non moreretur
11.38	iesus ergo iterum fremens in semet ipsum uenit ad monumentum erat autem spelunca et lapis superpositus ei
11.39	ait iesus tollite lapidem Dicit ei martha domine iam fetet quadriduum enim habet
11.40	Dicit ei iesus non dixi tibi quia si credideris uidebis gloriam dei
11.41	tulerunt ergo lapidem iesus autem leuauit oculos susum et dixit pater gratias ago tibi quia audisti me
11.42	et ego sciebam quia semper me audis sed propter turbam circumstantem dixi ut credant quia tu me misisti
11.43	et cum haec dixisset uoce magna clamauit lazare ueni foras
11.44	Et confestim exiuit qui mortuus erat ligatus pedes et manus institis et facies eius sudario erat ligata dicit iesus soluite eum et sinite ire
11.45	Multi ergo ex iudaeis qui uenerant ad mariam uidentes quae fecit crediderunt in eum
11.46	quidam autem ex ipsis abierunt ad pharisaeos et dixerunt eis quod fecit iesus
11.47	Collegerunt ergo principes sacerdotum et pharisaei concilium et dicebant quid faciemus quod hic homo talia signa facit
11.48	si dimittimus eum sic omnes credent in eum et uenient romani et tollent locum nostrum et gentem
11.49	Unus autem ex ipsis caiphas cum esset princeps sacerdotum anni illius dixit eis uos nescitis quicQuam
11.50	neque cogitatis quia expedit uobis ut unus homo moriatur pro populo et non tota gens pereat
11.51	Hoc autem ab se non dixit sed cum esset pontifex anni illius prophetauit quia incipiebat iesus mori pro gente
11.52	et non tantum pro gente sed ut filios dei qui sunt dispersi colligat in unum
11.53	ab illo ergo die cogitauerunt iudaei ut interficerent eum
11.54	iesus ergo iam palam non ambulabat inter iudaeos sed abiit in regionem iuxta desertum in ciuitatem quae dicitur efrem et ibi morabatur cum discipulis suis
11.55	Prope autem erat pascha iudaeorum ascenderunt ergo multin iherosolimam de regione ante pascha ut purificarent se
11.56	Quaerebant ergo iesum et conloquebantur ad inuicem in templo stantes et dicentes putatis quia non uenit ad diem festum
11.57	dederant autem principes sacerdotum et pharisaei mandatum ut si quis cognouisset ubi esset demonstraret ut adpraehenderent eum
12.1	iesus autem ante sex dies paschae uenit in bethaniam ubi erat lazarus quem suscitauit mortuum
12.2	et fecerunt ei cenam ibi et martha ministrabat lazarus autem unus erat ex discumbentibus cum eo
12.3	Maria ergo adcepit libram unguenti pistici et unxit pedes iesu et extersit capillis suis pedes eius et domus impleta est ex odore unguenti
12.4	dicit unus ex discipulis eius iudas simon scariotes qui incipiebat eum tradere
12.5	quare hoc unguentum non uenit denariis ccc et datum est pauperibus
12.6	Hoc autem dixit non quod de pauperibus cura illi esset sed quia fur erat et loculos habebat et que mittebantur auferebat
12.7	dixit ergo iesus sine illam ut in diem sepulturae meae seruet illud
12.8	pauperes enim semper habebitis uobiscum me autem non semper habebitis
12.9	Et turba multa ex iudaeis audiuit quia illic est et uenerunt non propter iesum solum sed ut lazarum uiderent quem suscitauit a mortuis
12.10	Cogitauerunt autem principes sacerdotum ut et lazarum interficerent
12.11	quia multi iudaeorum propter illum ibant et credebant in iesum
12.12	Altera die turba multa quę uenerat ad diem festum audito quod iesus uenit in hierosolyma
12.13	acceperunt flores palmarum et exierunt obuiam ei et clamabant ossanna benedictus qui uenit in nomine domini rex istrahel
12.14	Et inuenit iesus asellum et sedit super eum sicut scriptum est
12.15	noli timere filia sion ecce rex tuus uenit sedens super pullum asinae
12.16	haec autem non cognouerunt discipuli eius primum sed cum glorificatus est iesus recordati sunt quia haec erant scripta de eo et haec fecerunt ei
12.17	Testimonium ergo perhibebat turba quae erat cum eo quia lazarum uocauit de monumento et suscitauit eum a mortuis
12.18	propterea obuiam ei uenit ei turba quia audierunt quia hoc fecit signum
12.19	Pharisaei autem dixerunt ad illos uidetis quia nihil proficimus ecce post illum uniuersus mundus abiit
12.20	et erant greci quidam ex his qui ascenderant ut adorarent in die festo
12.21	Hii ergo adcesserunt ad philippum qui erat a betsaida galileae et rogabant illum dicentes domine uolumus iesum uidere
12.22	uenit philippus et dicit andreae andreas autem et philippus dicunt ad iesum
12.23	iesus autem respondit eis dicens uenit hora ut clarificetur filius hominis
12.24	Amen amen dico uobis nisi granum tritici cadens in terram mortuum fuerit ipsum solum manet Si autem mortuum fuerit multum fructum affert
12.25	Qui amat animam suam perdet eam et qui odit animam suam in hoc mundo in uitam eternam custodit eam
12.26	si quis mihi ministrat sequatur me et ubi ego sum illic et minister meus erit si quis mihi ministrauerit honorificauit eum pater meus
12.27	Nunc anima mea turbata est et quid dicam pater libera me ex hac hora sed ideo ueni in hanc horam
12.28	pater clarifica nomen tuum uenit ergo uox dae caelo dicens et clarificaui et iterum clarificabo
12.29	Turba ergo quae stabat et audiebat dixerunt tonitruum factum est alii dicebant angelus ei locutus est
12.30	Respondit iesus et dixit non propter me uox haec uenit sed propter uos
12.31	nunc iudicium est huius mundi nunc princeps huius mundi mittetur deorsum
12.32	et ego si exaltatus fuero a terra omnia traham ad me
12.33	Hoc autem dicebat significans qua morte esset moriturus
12.34	Respondit ei turba nos audiuimus ex lege quia christus manet in aeternum et quomodo tu dicis quia oportet exaltari filium hominis quis est hic filius hominis
12.35	Dixit ergo eis iesus adhuc modicum tempus lux in uobis est ambulate dum lucem habetis ut non tenebrae uos conprehendant et qui ambulat in tenebris nescit quo uadat
12.36	dum lucem habetis credite in lucem ut filii lucis sitis Haec locutus est iesus et abiit et abscondit se ab eis
12.37	cum autem tanta signa fecisset coram Eis non credebant in eum
12.38	ut sermo esaiae prophetae impleretur quem dixit domine quis credidit auditui nostro et brachium domini cui reuelatum est
12.39	Propterea non poterant credere quia iterum dixit eseias
12.40	excaecauit oculos eorum et indurauit cor eorum ut non uideant oculis et non intellegant corde et conuertantur et sanem illos
12.41	Haec dixit eseias quando uidit gloriam eius et locutus est de eo
12.42	interim tamen et ex principibus multi crediderunt in eum sed propter pharisaeos non confitebantur ne de synagoga eicerentur
12.43	dilexerunt enim gloriam hominum magis quam gloriam dei
12.44	iesus autem clamabat et dicebat qui credit in me non credit in me sed in eum qui me misit
12.45	et qui uidet me uidet eum qui me misit
12.46	ego lux in hunc mundum ueni ut omnis qui credit in me in tenebris non maneat
12.47	et si quis audierit uerba mea et custodierit ego non iudico eum non enim ueni ut iudicem mundum sed ut saluum faciam mundum
12.48	qui spernit me et non accipit uerba mea habet qui iudicet eum sermo quem locutus sum ille iudicabit eum in nouissimo die
12.49	quia ego ex me ipso non sum locutus sed qui misit me pater Ipse mihi mandatum dedit quid dicam et quid loquar
12.50	et scio quia mandatum eius uita ęterna est quę ergo ego loquor sicut dixit mihi pater sic loquor
13.1	Ante diem autem festum paschae sciens iesus quia uenit hora eius ut transiret de hoc mundo ad patrem diligens suos qui erant in hoc mundo usque in finem dilexit eos
13.2	et cena facta cum diabolus iam se misisset in corde iudae simonis scarioth ut eum traderet
13.3	sciens quia omnia dedit ei pater in manus et quia a deo exiuit et ad deum uadit
13.4	surrexit a cena et posuit uestimenta sua et cum adcepisset linteum precinxit se
13.5	deinde misit aquam in peluem et coepit lauare pedes discipulorum et extergere linteo quo erat praecinctus
13.6	uenit ergo ad simonem petrum et dicit ei petrus domine tu mihi lauas pedes
13.7	respondit iesus et dixit ei quod ego facio tu nescis modo Cognosces postea
13.8	Dicit ei petrus non lauabis mihi pedes in aeternum Respondit iesus nisi lauero te non habebis partem mecum
13.9	Dicit ei simon petrus domine non tantum pedes sed et manus et caput
13.10	Dicit ei iesus qui lotus est non indiget ut lauet sed est mundus totus et uos mundi estis sed non omnes
13.11	sciebat enim qui traderet eum quis esset propterea dixit quia non estis mundi omnes
13.12	Et postquam lauit pedes eorum accepit uestimenta sua et recumbens iterum dixit eis scitis quid fecerim uobis
13.13	uos uocatis me magister et domine et bene dicitis sum enim
13.14	Si ergo ego laui pedes uestros dominus et magister et uos debetis inuicem lauare pedes
13.15	exemplum enim dedi uobis ut quemadmodum ego feci uobis et uos faciatis
13.16	Amen amen dico uobis non est seruus maior domino suo neque apostolus maior illo qui misit eum
13.17	si haec scitis beati estis si feceritis ea
13.18	non de omnibus uobis dico ego scio quos elegerim sed ut inpleatur scriptura qui manducat mecum panem leuabit super me calcaneum suum
13.19	Amodo dico uobis prius quam fiat ut cum factum fuerit credatis quia ego sum
13.20	Amen amen dico uobis qui accipit si quem misero me accipit qui autem me accipit accipit eum qui me misit
13.21	haec cum dixisset iesus turbatus est in spiritu et protestatus Est et dixit Amen amen dico uobis quia unus ex uobis tradet me
13.22	Aspiciebant ergo ad inuicem discipuli haesitantes de quo diceret
13.23	erat autem recumbens unus ex discipulis eius in sinu iesu quem diligebat iesus
13.24	innuit ergo huic simon petrus et dicit ei interroga quis est de quo dicit
13.25	recumbens ergo ille super pectus iesu dicit ei domine quis est
13.26	Respondit iesus ille est cui ego intinctum panem porexero Et cum intinxitset panem dedit iudae simonis scariotae
13.27	et ut accepit panem introiuit in illum satanas Dicit ergo ei iesus quod facis fac celerius
13.28	hoc autem nemo discumbentium sciuit ad quid dixerit ei
13.29	quidam enim putabant quia loculos habebat iudas quia dicit ei iesus eme ea quę opus sunt nobis ad diem festum aut egenis ut aliquid daret
13.30	Cum ergo adcepisset panem exiuit continuo erat autem nox
13.31	cum ergo exisset dicit iesus Nunc clarificatus est filius hominis et deus clarificatus est in eo
13.32	et deus clarificauit eum in semet ipso et continuo clarificauit eum
13.33	Filioli adhuc modicum uobiscum sum quaeritis me et sicut dixi iudaeis quo ego uado uos non potestis uenire et uobis dico modo
13.34	mandatum nouum do uobis ut diligatis inuicem sicut dilexi uos ut et uos diligatis inuicem
13.35	in hoc cognoscent omnes quia mei discipuli estis si dilectionem habueritis ad inuicem
13.36	Dicit illi simon petrus domine quo uadis Respondit iesus quo ego uado non potes me modo sequi sequeris autem postea
13.37	dicit ei petrus domine quare non possum te sequi modo animam meam pro te ponam
13.38	respondit iesus animam tuam pro me ponis Amen amen dico tibi non cantabit gallus donec tu me ter neges
14.1	Non turbetur cor uestrum credite in deum et in me credite
14.2	in domo patris mei mansiones multae sunt si quo minus dixissem uobis quia uado parare uobis locum
14.3	et si abiero et parauero uobis locum iterum uenio et adcersio uos ad me ipsum ut ubi ego sum et uos sitis
14.4	et quo uado scitis et uiam scitis
14.5	Dicit ei thomas domine nescimus quo uadis et quomodo possumus Uiam scire
14.6	Dicit ei iesus ego sum uia et ueritas et uita nemo uenit ad patrem nisi per me
14.7	si cognouistis me et patrem meum cognouistis et amodo nostis eum et uidistis eum
14.8	Dicit ei philippus domine ostende nobis patrem et sufficit nobis
14.9	Dicit ei iesus tanto tempore uobiscum sum et non cognouistis me philippe qui me uidit uidit et patrem quomodo tu dicis ostende nobis patrem
14.10	non credis quia ego in patre et pater in me est uerba que ego loquor uobis a me ipso non loquor pater qui in me manet ipse loquitur et opera quae facio ipse facit
14.11	credite mihi quia ego in patre et pater in me
14.12	alioquin uel propter opera ipsa credite amen amen dico uobis qui credit in me opera quae ego facio et ipse faciet et maiora horum faciet quia ego ad patrem uado
14.13	et quidquid petieritis in nomine meo hoc faciam ut honorificetur pater in filio
14.14	si quid petieritis in nomine meo ego faciam
14.15	si diligitis me mandata mea seruate
14.16	et ego rogabo patrem et alium aduocatum dabit uobis ut uobiscum sit in aeternum
14.17	spiritum ueritatis quem mundus non potest accipere quia non uidet eum nec cognoscit eum uos autem nostis illum quia apud uos manet et in uobis est
14.18	Non relinquam uos orfanos ueniam ad uos
14.19	adhuc pusillum et hic mundus me iam non uidet uos autem uidebitis me quia ego uiuo et uos uiuetis
14.20	in illa die cognoscetis uos quia ego in patre meo et uos in me et ego in uobis
14.21	qui habet mandata mea et seruat ea ille est qui diligit me qui autem diligit me diligetur a patre meo et ego diligam eum et manifestabo ei me ipsum
14.22	dicit ei iudas non ille scarioth domine quid factum est quia nobis manifestaturus es te ipsum et non huic mundo
14.23	Respondit iesus et dixit ei si quis diligit me sermonem meum seruabit et pater meus diligit eum et ad eum ueniemus et mansionem aput eum faciemus
14.24	qui non diligit me sermones meos non seruat et sermonem quem audistis meus non est sed eius qui me misit patris
14.25	Haec locutus sum uobis apud uos manens
14.26	paracletus autem spiritus sanctus quem mittet pater in nomine meo ille uos docebit omnia et suggeret uobis omnia quecumque dixero
14.27	pacem relinquo uobis pacem meam do uobis non quomodo hic mundus dat ego do uobis non conturbetur cor uestrum neque formidet
14.28	Audistis quia dixi uobis uado et uenio ad uos si diligeretis me gauderitis quia uado ad patrem quia pater maior me est
14.29	et nunc dixi uobis antequam fiat ut cum factum fuerit credatis
14.30	Iam non multa loquar uobiscum uenit enim huius mundi princeps et in me non habet quicquam
14.31	sed ut cognoscat hic mundus quia diligo patrem et sicut mandatum dedit mihi pater sic facio surgite eamus hinc
15.1	Ego sum uitis uera et pater meus agricola est
15.2	omne sarmentum quod in me non affert fructum tollit eum et omnem qui adferet fructum purGabit eum ut fructum plurimum adferat
15.3	iam uos mundi estis propter sermonem quem locutus sum uobis
15.4	manete in me et ego in uobis sicut sarmentum non potest ferre fructum ab se nisi manserit in uite sic nec uos nisi in me manseritis
15.5	Ego sum uitis uos sarmenta qui manet in me et ego in illo hic adferet fructum multum quia sine me nihil potestis facere
15.6	si quis in me non manserit precisus est sicut sarmentum et arescet et colligent eos et in ignem mittunt et ardet
15.7	Si manseritis in me et uerba mea in uobis manserint quodcumque petere uolueritis fiet uobis
15.8	in hoc clarificatus est pater meus ut fructum plurimum adferatis et sitis mei discipuli
15.9	sicut dilexit me pater et ego uos dilexi manete in dilectione mea
15.10	si praecepta mea seruaueritis manebitis in dilectione mea sicut et ego patris praecepta seruaui et maneo in eius dilectione
15.11	Haec locutus sum uobis ut gaudium meum in uobis sit et gaudium uestrum impleatur
15.12	hoc est mandatum meum ut diligatis inuicem sicut dilexi uos
15.13	Maiorem hanc dilectionem nemo habet ut animam suam ponat pro amicis suis
15.14	uos amici mei estis si feceritis quae ego precipio uobis
15.15	iam non dico uos seruos quia seruus nescit quid faciat dominus eius uos autem dixi amicos quia omnia quaecumque audiui a patre meo nota feci uobis
15.16	non uos me elegistis sed ego elegi uos et posui uos ut eatis et fructum adferatis et fructus uester maneat Ut quodcumque petieritis a patre in nomine meo det uobis
15.17	haec mando uobis ut diligatis inuicem
15.18	si mundus uos odit scitote quia me priorem odio habuit
15.19	Si de mundo essetis mundus quod suum erat diligeret Ueru enim quia de hoc mundo non estis sed ego elegi uos de mundo propterea odit uos mundus
15.20	Mementote sermones quem ego dixi uobis non est seruus maior domino suo Si me persecuti sunt et uos persequentur si sermonem meum seruauerunt et uestrum seruabunt
15.21	sed haec omnia faciunt uobis propter nomen meum quia nesciunt eum qui me misit
15.22	Si non uenissem et locutus eis fuissem peccatum non haberent nunc autem excusationem non habent de peccato suo
15.23	Qui me odit et patrem meum odit
15.24	si opera non fecissem in illis quae nemo alius fecit peccatum non haberent Nunc autem et uiderunt et oderunt me et patrem meum
15.25	sed ut impleatur sermo qui in lege eorum scriptus est quia oderunt me gratis
15.26	Cum ergo uenerit paracletus quem ego mittam uobis a patre spiritum ueritatis qui a patre procedit ille testimonium perhibebit de me
15.27	et uos testimonium perhibetis quia ab initio mecum estis
16.1	Haec locutus sum uobis ut non scandalizemini
16.2	extra synagogam fecerunt uos sed uenit hora ut omnis qui interfecerit uos aestimet se obsequium deo praestare
16.3	sed haec facient uobis quia non nouerunt patrem neque me
16.4	Haec locutus sum uobis ut cum uenerit hora eorum reminiscamini quia ego dixi uobis haec autem uobis ab initio non dixi quia uobiscum eram
16.5	nunc autem uado ad eum qui me misit et nemo ex uobis interrogat me quo uadis
16.6	sed quia haec locutus sum uobis tristitia repleuit cor uestrum
16.7	sed ego ueritatem dico uobis expedit uobis ut ego eam nam si non abiero ego paracletus non ueniet ad uos si autem abiero mittam eum ad uos
16.8	et cum uenerit ille arguet mundum de peccato et de iustitia et de iudicio
16.9	de peccato quidem quia non crediderunt in me
16.10	de iustitia uero quia ad patrem uado et iam non uidebitis me
16.11	de iudicio autem quia princeps huius mundi iudicatus est
16.12	Adhuc multa habeo uobis dicere sed non potestis illa modo portare
16.13	cum enim uenerit ille spiritus ueritatis docebit uos in omnem ueritatem non enim loquetur a semet ipso sed quęcumque audierit loquetur et quę uentura sunt annunciabit uobis
16.14	ille me clarificabit quia de meo accipiet et adnuntiauit uobis
16.15	Omnia quaecumque habet pater mea sunt propterea dixi quia de meo accipiet et adnuntiabit uobis
16.16	pusillum et non uidebitis me et iterum pusillum et uidebitis me
16.17	Dixerunt ergo discipulis eius ad inuicem quid est hoc quod dicit nobis modicum et non uidebitis me et iterum modicum et uidebitis me et quia uado ad patrem
16.18	quid est hoc pusillum nescimus quid loquitur
16.19	Cognouit iesus quia uolebant eum interrogare et dixit illis de hoc quaeritis ad inuicem quia dixi pusillum et non uidebitis me et iterum pusillum et uidebitis me
16.20	Amen amen dico uobis quoniam uos flebitis et lugebitis mundus autem gaudebit uos tristis eritis sed tristitia uestra in gaudium ueniet
16.21	mulier cum parit tristitiam habet quia uenit dies eius cum autem peperit puerum iam non meminit pressurae propter gaudium quia natus est homo in hunc mundum
16.22	Et uos nunc quidem tristitiam habebitis iterum autem uidebo uos et gaudebit cor uestrum et gaudium uestrum nemo auferet a uobis
16.23	et in illa die nihil me interrogabitis Amen amen dico uobis si quid petieritis patrem in nomine meo dabit uobis
16.24	usque modo non petistis quicquam in nomine meo petite et accipietis ut gaudium uestrum sit impletum
16.25	Haec in prouerbiis locutus sum uobis ueniet hora cum iam non in prouerbiis loquar uobis sed palam de patre adnuntiauo uobis
16.26	in illa die in nomine meo petitis et non dico uobis quia ego rogabo patrem de uobis
16.27	ipse enim pater amat uos quia uos me amatis et credidistis quia ego a deo exiui
16.28	et ueni in hunc mundum iterum relinquo mundum et uado ad patrem
16.29	Dicunt ei discipuli eius ecce nunc palam loqueris et prouerbium nullum dicis
16.30	nunc scimus quia scis omnia et non opus est tibi ut aliquis te interroget In hoc credimus quia a deo existi
16.31	Respondit eis iesus modo creditis
16.32	ecce uenit hora et iam uenit ut dispergamini unusquisque in sua et me solum relinquatis et non sum solus quia pater mecum est
16.33	Haec locutus sum uobis ut in me pacem habeatis in hoc autem mundo pressuram habebitis sed gaudete quoniam ego uici mundum
17.1	Haec locutus est iesus et leuauit oculos suos in caelum et dixit Pater uenit hora clarifica filium tuum ut filius tuus clarificet te
17.2	sicut dedisti ei potestatem omnis carnis ut omne quod dedisti ei det illis uitam aeternam
17.3	Haec est autem uita aeterna ut cognoscant te solum uerum deum et quem misisti iesum christum
17.4	ego te clarificaui super terram opus consummaui quod dedisti mihi ut facerem
17.5	et nunc clarifica me tu pater apud temetipsum claritatem quam habui priusquam mundus esset aput te
17.6	manifestaui nomen tuum hominibus quos dedisti mihi de hoc mundo tui erant et mihi illos dedisti et serMonem tuum custodierunt
17.7	nunc cognoui quia omnia quae dedisti mihi abs te sunt
17.8	quia uerba quae dedisti mihi dedi eis et ipsi acceperunt et cognouerunt quia a te exierunt et crediderunt quia tu me misisti
17.9	ego pro eis rogo non pro mundo rogo sed pro his quos dedisti mihi quia tui sunt
17.10	et mea omnia tua sunt et tua mea et clarificatus sum in eis
17.11	et iam non sum in hoc mundo et hi in hoc mundo sunt et ego ad te uenio pater sancte conSerua eos in nomine tuo
17.12	cum essem cum eis ego seruabam eos in nomine tuo quos dedisti mihi custodiui et nemo ex is perit nisi filius perditionis ut scriptura impleatur
17.13	nunc autem ad te uenio et haec loquor in hoc mundo ut habeant gaudium meum inpletum in semet ipsis
17.14	Ego dedi eis sermonem tuum et mundus odio habuit eos quia non sunt de mundo sicut ego non sum de hoc mundo
17.15	non rogo ut tollas eos de mundo sed ut serues eos a malo
17.16	de hoc mundo non sunt sicut ego non sum de hoc mundo
17.17	sanctifica eos in ueritate uerbum tuum ueritas est
17.18	sicut me misisti in hunc mundum et ego misi eos in hunc mundum
17.19	et pro eis ego sanctifico me ipsum ut sint et ipsi sanctificati in ueritate
17.20	non pro his autem rogo tantum sed et pro his qui credituri sunt per uerbum illorum in me
17.21	ut omnes unum sint sicut tu pater in me et ego in te ut et ipsi in nobis sint ut mundus credat quia tu me misisti
17.22	et ego gloriam quam dedisti mihi dedi eis ut sint unum sicut et nos unum sumus
17.23	ego in eis et tu in me ut sint perfecti in unum et cognoscat mundus quia tu me misisti et dilexi eos sicut me dilexisti
17.24	Pater quos dedisti mihi uolo ut ubi ego sum et illi sint mecum ut uideant gloriam meam quam dedisti mihi quoniam dilexisti me ante constitutionem mundi
17.25	Pater iuste mundus te non cognouit ego autem te cognoui et hii cognouerunt quia tu me misisti
17.26	et notum feci eis nomen tuum et notum faciam ut dilectio qua dilexisti me in ipsis sit et ego in illis
18.1	haec cum dixisset iesus exiuit cum discipulis suis trans torrentem caedron ubi erat hortus in quem introiuit ipse et discipuli eius
18.2	sciebat autem et iudas qui tradebat eum ipsum locum quia frequenter iesus conuenerat illuc cum discipulis suis
18.3	Iudas ergo accepta cohorte a principibus sacerdotum et farisaeis ministros uenit illuc cum lanternis et facibus et armis
18.4	iesus autem sciens omnia quę uentura erant super eum exiit et dicit eis quem queritis
18.5	Responderunt ei iesum nazoreum dicit eis iesus ego sum stabat autem et iudas qui tradebat eum cum ipsis
18.6	Ut ergo dixit illis ego sum abierunt retrorsum et ceciderunt in terram
18.7	Iterum ergo eos interrogauit iesus quem quaeritis illi autem dixerunt iesum nazaraenum
18.8	Respondit iesus dixi uobis quia ego sum si ergo me quaeritis sinite hos ire
18.9	ut impleretur sermo quem dixit quia quos dedisti mihi non perdidi ex eis quemquam
18.10	simon igitur petrus habens gladium eduxit eum et percussit seruum principis sacerdotum et abscidit auriculam eius dextram erat autem nomen seruo malachus
18.11	Dixit ergo iesus petro mitte gladium in uaginam suam calicem quem dedit mihi pater non uis bibam illum
18.12	cohors igitur et tribunus et ministri iudaeorum comprehenderunt iesum et ligauerunt eum
18.13	et adduxerunt eum ad annam primum erat enim socer caiphae qui erat princeps sacerdotum anni illius
18.14	erat autem caiphas qui consilium dedit iudaeis quia expedit unum hominem mori pro populo
18.15	sequebatur autem iesum simon petrus et alius discipulus Discipulus autem ille erat notus principi sacerdotum et simul introiuit cum iesu in atrium principis sacerdotum
18.16	petrus uero stabat foris ad ianuam Exiuit ergo discipulus ille alius qui erat notus principi sacerdotum et dixit ostiariae et introduxit petrum
18.17	Dicit ergo petro illa ancilla ostiaria numquid et tu ex discipulis es hominis huius Ait ille non sum
18.18	Stabant autem serui et ministri ad carbones quia frigus erat et calefaciebant erat autem cum eis et petrus stans et calefaciens se
18.19	Princeps ergo sacerdotum interrogauit iesum de discipulis eius et de doctrina eius
18.20	Respondit ei iesus ego palam locutus sum mundo ego semper docui in synagoga et in templo quo omnes iudaei conueniunt et in occulto locutus sum nihil
18.21	quid me interrogas interroga eos qui audierunt quid locutus sum illis ecce hi sciunt quae dixerim ego
18.22	Haec autem cum dixisset unus adstans ex ministris dedit palmam iesu dicens sic respondes principi sacerdotum
18.23	Respondit ei iesus si male locutus sum testimonium perhibe de malo si autem bene quid me caedis
18.24	Misit ergo eum annas uinctum ad caiphan pontificem
18.25	Erat autem simon petrus stans et calefaciens se Dixerunt ergo ei numquid et tu ex discipulis eius es Negauit ille et dixit non sum
18.26	Dicit unus ex seruis pontificis cognatus eius cuius abscidit petrus auriculam nonne ego te uidi in horto cum illo
18.27	iterum ergo negauit et statim gallus cantauit
18.28	Adducunt ergo iesum ad caipham in praetorium erat autem mane et ipsi non introierunt in praetorium ut non contaminarentur sed ut manducarent pascha
18.29	exiit ergo pilatus ad eos foras et dixit quam accusationem adfertis aduersus hominem hunc
18.30	responderunt et dixerunt ei si non esset hic malefactor non tibi tradidissemus eum
18.31	Dixit ergo eis pilatus accipite eum uos et secundum legem uestram iudicate illum Dixerunt ergo iudaei nobis non licet interficere quemquam
18.32	ut sermo iesu impleretur quem dixit significans qua morte esset moriturus
18.33	Introiuit ergo iterum in pretorium pilatus et uocauit iesum et dixit illi tu es rex iudaeorum
18.34	respondit iesus a temetipso hoc dicis an alii tibi dixerunt de me
18.35	Respondit pilatus numquid ego iudaeus sum gens tua et principes sacerdotum tradiderunt te mihi quid fecisti
18.36	respondit iesus regnum meum non est de hoc mundo si de hoc mundo esset regnum meum ministri mei turbarentur ne traderer iudaeis nunc autem regnum meum non est hinc
18.37	Dixit itaque ei pilatus ergo rex es tu Respondit iesus tu dicis quia rex sum Ego in hoc natus sum et ad hoc ueni in hunc mundum ut testimonium perhibeam ueritati omnis qui est ex ueritate audit uocem meam
18.38	Dicit ei pilatus quid est ueritas et cum hoc dixisset iterum exiuit ad iudaeos et dicit illis ego nullam inuenio in eo causam
18.39	est autem consuetudo uobis ut unum dimittam uobis in pascha uultis ergo dimittam uobis regem iudaeorum
18.40	Exclamauerunt ergo omnes non hunc sed barabban erat autem barabas latro
19.1	Tunc ergo adprehenDit pilatus iesum et flagellauit
19.2	et milites ornatam coronam de spinis imposuerunt capiti eius et uestem purpuream induerunt eum
19.3	et ueniebant Ad eum et dicebant habe rex iudaeorum et dabant ei palmas
19.4	Exiuit iterum pilatus foras et dicit eis ecce adduco illum uobis foras ut cognoscatis quia in eo causam non inuenio
19.5	Exiit ergo iesus foras habens spineam coronam et dixit eis ecce homo
19.6	cum ergo uidissent eum principes sacerdotum et ministri clamabant dicentes crucifige crucifige Dicit eis pilatus adcipite eum uos et crucifigite ego enim non inuenio in eo causam
19.7	Responderunt iudaei nos legem habemus et secundum legem debet mori quia filium dei se fecit
19.8	Cum ergo audisset pilatus hunc sermonem magis timuit
19.9	et introiuit iterum in pretorium et dicit ad iesum unde es tu iesus autem responsum non dedit ei
19.10	dicit ergo ei pilatus mihi non loqueris nescis quia potestatem habeo crucifigere te et potestatem habeo dimittendi te
19.11	Respondit iesus non haberes potestatem aduersus me ullam nisi data esSet tibi desuper propterea qui tradidit me tibi maius peccatum habet
19.12	et exinde quaerebat pilatus dimittere eum Iudaei autem clamabant dicentes si hunc dimiseris non es amicus caesaris omnis qui se regem facit contradicit caesari
19.13	Pilatus ergo cum audisset hos sermones adduxit foras iesum et sedit pro tribunali in locum qui dicitur lithostrotus hebreice autem gennatha
19.14	erat autem parasceuae paschæ hora quasi sexta et ait iudaeis ecce rex uester
19.15	ad illi exclamauerunt tolle tolle crucifige eum Ait illis pilatus regem uestrum crucifigam Responderunt principes sacerdotum non habemus regem nisi caesarem
19.16	tunc ergo tradidit eis illum ut crucifigeretur susceperunt erGo iesum
19.17	et baiulans sibi crucem peruenit in locum qui adpellatur caluarie quod dicitur hebreice golgotha
19.18	ubi eum crucifixerunt et cum eo alios duos hinc adque illinc medium autem iesum
19.19	Scripsit autem et titulum pilatus et posuit supra crucem erat autem scriptum iesus nazoreus rex iudaeorum
19.20	hunc ergo titulum multi legerunt iudaeorum quia prope ciuitatem erat locus ubi crucifixus est iesus et erat scriptum hebraeice graece et latine
19.21	Dicebant ergo pilato principes iudaeorumm noli scribere rex iudaeorum sed quia ipse dixit rex sum iudaeorum
19.22	Respondit pilatus quod scripsi scripsi
19.23	milites ergo cum crucifixissent iesum acceperunt uestimenta eius et fecerunt quattuor partes unicuique militi partem erat autem tunica rudis desuper contexta per totum
19.24	Dixerunt ergo ad inuicem non scindamus eam sed sortiamur de illa cuius sit ut scriptura inpleatur diuiserunt uestimenta mea sibi et super uestem meam miserunt sortem et milites quidem haec fecerunt
19.25	Stabant autem iuxta crucem iesu mater eius et soror matris eius maria cleopae et maria magdalenae
19.26	Cum uidisset autem iesus matrem et discipulum adstantem quem diligebat dicit matri suae mulier ecce filius tuus
19.27	deinde dicit discipulo ecce mater tua ex illa hora adcepit illam discipulus in sua
19.28	Posttea iesus sciens quoNiam iam omnia consummata sunt ut scriptura inpleatur ait sitio
19.29	uas positum erat aceto plenum spongiam ergo plenam aceto perticae circumponentes optulerunt ori eius
19.30	cum ergo accepisset iesus acetum dixit consummatum est et inclinato capite tradidit spiritum
19.31	Iudaei ergo quia cena pura erat ut non remanerent in crucem corpora sabbato erat enim magnus dies illius sabbati Rogauerunt pilatum ut frangerentur crura eorum et tollerentur
19.32	uenerunt ergo milites et illius quidem primi fregerunt crura et alterius similiter qui simul crucifixus erat cum eo
19.33	Ad iesum autem cum uenissent ut uiderunt eum iam mortuum non fraegerunt crura eius
19.34	sed unus ex militibus lancea latus eius percussit et continuo exiuit sanguis et aqua
19.35	Et qui uidit testimonium perhibuit et uerum est testimonium eius et ille scit quia uera dicit ut et uos credatis
19.36	facta sunt enim haec ut scriptura impleatur ossum non confringetis ab eo
19.37	Et iterum alia scriptura dicit uidebunt in quem compunxerunt
19.38	Post haec autem rogauit philatum ioseph ab arimathia qui erat discipulus iesu occulte autem propter metum iudaeorum ut tolleret corpus iesu et permisit pilatus uenerunt ergo et tulerunt eum
19.39	Uenit autem et niCodemus qui uenerat ad iesum nocte primum ferens mixturam murrae et aloes quasi libras centum
19.40	Acceperunt ergo corpus iesu et ligauerunt eum linteis cum aromatibus sicut est consuetudo iudaeis sepelire
19.41	erat autem in loco ubi crucifixus est hortus et in orto monumentum nouum In quo nondum quisquam positus erat
19.42	Ibi ergo propter parasceuen iudeorum quia iuxta erat monumentum posuerunt iesum
20.1	Una autem sabbati maria magdalene uenit mane cum adhuc tenebrę essent ad monumentum et uidet lapidem sublatum a monumento
20.2	cucurrit Ergo et uenit ad simonem petrum et ad alium discipulum quem amabat iesus et dicit eis tulerunt dominum de monumento et nescimus ubi posuerunt eum
20.3	exiuit ergo petrus et ille alius discipulus et ueniebant ad monumentum
20.4	Currebant autem duo simul sed ille alius discipulus precucurrit citius petro et uenit prior ad monumentum
20.5	et cum se inclinasset et prospexisset uidit linteamina posita non tamen introiuit
20.6	uenit ergo simon petrus sequens eum et intrauit in monumentum et uidit linteamina posita
20.7	et sudarium quod erat super caput eius non cum lintiaminibus positum sed separatim inuolutum in unum locum
20.8	Tunc ergo introiuit et alius discipulus qui uenerat prior ad monumentum et uidit et credidit
20.9	nondum enim sciebat scripturam quia oportet eum a mortuis resurgere
20.10	Abierunt ergo iterum apud se discipuli
20.11	maria autem stabat ad monumentum plorans et cum fleret inclinauit se et prospexit in monumentum
20.12	et uidit duos angelos in albis sedentes unum ad caput et unum ad pedes ubi positum erat corpus iesu
20.13	dicunt ei illi mulier quid ploras Dicit eis quoniam tulerunt dominum meum et nescio ubi posuerunt eum
20.14	haec cum dixisset conuersa est retro et uidet iesum stantem et non sciebat quia iesus est
20.15	dicit ei iesus mulier quid ploras quem queris illa existimans quia ortulanus est dicit Ei domine si tu sustulisti eum dic mihi ubi posuisti eum et ego eum tollam
20.16	dicit ei iesus maria Conuersa illa dicit ei haebreice rabboni quod dicitur magister
20.17	Dicit ei iesus noli me tangere nondum enim ascendi ad patrem meum uade autem ad fratres meos et dic illis ascendo ad patrem meum et patrem uestrum deum meum et deum uestrum
20.18	Uenit maria magdalene annuncians discipulis quia uidit dominum et haec Dixit mihi
20.19	Cum esset ergo sero die illa una sabbatorum et osteis clusis ubi erant discipuli propter metum iudaeorum uenit iesus et stetit in medio et ait eis pax uobis
20.20	Et hoc cum dixisset ostendit eis manus et latus et gauisi sunt discipuli uiso domino
20.21	Dixit ergo eis iesus iterum pax uobis Sicut misit me pater et ego mitto uos
20.22	haec cum dixisset insuflauit et ait illis accipite spiritum sanctum
20.23	Si quorum remiseritis peccata remittetur eis Si cuius tenueritis tenebuntur
20.24	Thomas autem unus ex xii qui dicitur dydymus non erat cum eis quando uenit iesus
20.25	dixerunt ergo ei alii discipuli uidimus dominum ad ille autem dixit eis nisi uidero in manibus eius figuram clauorum et mittam digitum meum in locum clauorum et mittam manum meam in latus eius non credam
20.26	Post dies octo iterum erant discipuli eius intus et thomas cum eis uenit iesus ianuis clausis et stetit in medio et dixit pax uobis
20.27	Deinde ait thomę infer digitum tuum huc et uide manus meas et adfers manum tuam et mitte in latus meum et noli esse incredulus sed fidelis
20.28	respondit thomas et dixit ei dominus meus et deus meus
20.29	Dicit illi iesus quia uidisti me credidisti beati qui non uiderunt et crediderunt
20.30	Multa quidem et alia signa fecit iesus in conspectu discipulorum suorum quae non sunt scripta in hoc libro
20.31	haec autem scripta sunt ut credatis quia iesus est christus filius dei et ut credentes uitam habeatis in nomine eius
21.1	Post haec manifestauit se iterum iesus discipulis suis ad mare tiberiadis manifestauit autem sic
21.2	erant simul simon petrus et thomas qui dicitur didymus et nathanael qui erat a cana galileae et filii zaebaedaei et alii ex discipulis eius duo
21.3	dicit eis simon petrus uado piscari dicunt ei uenimus et nos tecum et exierunt et ascenderunt in nauem et illa nocte nihil ceperunt
21.4	Mane autem facto stetit iesus in litore non tamen cognouerunt discipuli quia iesus est
21.5	Dicit ergo eis iesus pueri numquid pulmentarium habetis responderunt ei non
21.6	ad ille dixit eis mittite in dexteram partem nauis retiam et inuenietis Miserunt ergo et non potuerunt retia trahere præ multitudine piscium
21.7	dicit ergo discipulus ille quem diligebat iesus petro dominus est simon petrus cum audisset quia dominus est tunica succinxit se erat enim nudus et misit se in mare
21.8	alii autem discipuli nauigio uenerunt non enim longe erant a terra sed quasi a cubitis ducentis trahentes rete piscium
21.9	Ut ergo descenderunt in terram uident carbones incensos et piscem superpositum et panem
21.10	Dicit eis iesus adferte de piscibus quos nunc coepistis
21.11	ascendit simon petrus et traxit retiam in terram plenam magnis piscibus centum quinquaginta tribus et cum tanti essent non est scissum rete
21.12	Dicit eis iesus uenite prandete nemo tamen audebat ex discipulis interrogare eum tu quis es scientes quia dominus est
21.13	uenit iesus et accepit panem et dedit eis et piscem similiter
21.14	Hoc iam tertio manifestauit se iesus discipulis cum resurrexisset a mortuis
21.15	cum ergo prandidissent dicit simoni petro iesus Simon iohannis diligis me Dicit ei etiam domine tu scis quia amo te Dicit illi pasce oues meas
21.16	dicit illi iterum simon iohannis diligis me dicit illi etiam domine tu scis quia amo te Ait illi pasce oues meas
21.17	dicit ei tertio simon iohanis amas me contristatus est petrus quia dixit ei tertio amas me et ait ei domine omnia tu nosti tu scis quia amo te dicit ei pasce oues meas
21.18	amen amen dico tibi cum esses iuuenior precingebas te et ambulabas ubi uolebas cum autem senueris extendes manus tuas et alius te praecinget et ducet quo tu non uis
21.19	hoc autem dixit significans qua morte clarificaturus esset deum et hoc cum dixisset ait illi sequere me
21.20	conuersus autem petrus uidit illum discipulum quem diligebat iesus sequentem qui et recubuit in cena super pectus eius et dixit domine quis est qui tradet te
21.21	hunc ergo cum uidisset petrus dicit ad iesum domine hic autem quid
21.22	dicit ei iesus si sic uolo eum manere donec uenio quid ad te tu me sequere
21.23	Exiit ergo hic sermo aput fratres quia discipulus ille non moritur et non dixit ei iesus non moritur sed sic eum uolo manere donec uenio quid ad te
21.24	Hic est discipulus qui testimonium perhibet de his et qui scripsit haec et scimus Quia uerum est testimonium eius
21.25	sunt autem et alia multa quae fecit iesus quae si scribantur per singula nec ipsum arbitror mundum capere eos qui scriberentur